"Mançester Siti"nin qapıçısı "Kolorado" klubu tərəfindən transfer edilib

ABŞ-nin "Kolorado" klubu İngiltərə təmsilçisi "Mançester Siti"nin qapıçısı Zak Steffeni transfer etdiyini açıqlayıb.

"Olimpsport" xəbər verir ki, 28 yaşlı amerikalı yeni klubu ilə 2026-cı ilin sonuna kimi müqavilə bağlayıb.

Zak Steffen 2019-cu ilin iyulunda "Mançester Siti"yə keçib və arxada qalan müddətdə cəmi 21 matçda iştirak edib. 16 qol buraxan qolkiper 8 dəfə qapısını toxunulmaz saxlayıb.

O, həmçinin “Midlsbro” (İngiltərə) və “Fortuna”da (Almaniya) icarə əsasında çıxış edib.