Əfsanəvi futbolçu Frans Bekkenbauer dünyasını dəyişib

Futbol üzrə dünya çempionu Frans Bekkenbauer 78 yaşında vəfat edib.

"Olimpsport" xəbər verir ki, bu barədə "Spiegel" qəzeti yazıb.

Bekkenbauer Almaniya millisinin tərkibində 1974-cü ildə dünya çempionu və 1972-ci ildə Avropa çempionatının qalibi olub.

O, həmçinin bir neçə dəfə Almaniya çempionatının və kubokunun, üç dəfə isə Çempionlar Kubokunun qalibi olub.

Bekkenbauer futbol tarixinin ən yaxşı müdafiəçilərindən biri hesab olunur. O, iki dəfə - 1974 və 1976-cı illərdə "Qızıl top"u qazanıb.