"Mançester Yunayted" İngiltərə Kubokunun 1/16 finalına çıxıb

İngiltərə Futbol Assosiasiyası (FA) Kubokunun 1/32 mərhələsinin daha bir oyunu baş tutub.

"Olimpsport" xəbər verir ki, turnirin 3-cu raundunda “Viqan” “Mançester Yunayted”i qəbul edib.

Matçda hesabı 22-ci dəqiqədə Dalo açıb. 74-cü dəqiqədə isə Fernandeş penaltini dəqiq yerinə yetirərək qarşılaşmanın nəticəsini müəyyənləşdirib - 0:2.

Bu qələbə “qırmızı şeytanları” İngiltərə Kubokunun 1/16 finalına çıxarıb. Komanda bu raundda “Nyuport Kaunti” - “İstli” cütünün qalibi ilə üz-üzə gələcək.