Fərid Qayıbovla Tacikistanın ölkəmizdəki Səfiri arasında görüş baş tutub

Gənclər və idman naziri Fərid Qayıbov yanvarın 8-də Tacikistanın Azərbaycandakı fövqəladə və səlahiyyətli Səfiri İlhom Abdurahmonu qəbul edib.

"Olimpsport" xəbər verir ki, qonağı salamlayan F. Qayıbov ona gənclər siyasəti və idman sahəsində son illərdə görülən işlər və qazanılan uğurlar barədə məlumat verib. Səfir səmimi qəbula görə təşəkkür edib.

Görüş zamanı iki ölkə arasında gənclər siyasəti və idman sahəsində əməkdaşlığın gələcək perspektivləri müzakirə olunub.

Görüşdə səfirliyin birinci katibi Muhiddin Yoqubzoda da iştirak edib.