Azərbaycanın 3 güləşçisi turnirin ilk günündə bürünc medal qazanıb

Azərbaycanın 3 sərbəst güləşçisi Xorvatiyada keçirilən “Zaqreb Open” turnirinin ilk günündə bürünc medal qazanıb.

"Olimpsport" xəbər verir ki, bunlar Əliabbas Rzazadə, Nurəddin Novruzov (hər ikisi 61 kq) və Cəbrayıl Qadjiyevdir (74 kq).

Bu gün xalça üzərində çıxan İslam Bazarqanov (57 kq), Zirəddin Bayramov (65 kq), Arseni Djioyev və Osman Nurmaqomedov (hər ikisi 86 kq) isə medal qazana bilməyiblər.

Qeyd edək ki, yanvarın 11-də yığmanın digər üzvləri Georgi Meşvildişvili və Vaxit Qalayev (hər ikisi 125 kq), həmçinin qadın güləşçi Gültəkin Şirinova (55 kq) mübarizəyə qoşulacaqlar.