Türkiyə superliqası: "Trabzonspor" qalib gəldi

Futbol üzrə Türkiyə Superliqasında XVI turdan təxirə salınmış oyun keçirilib.

"Olimpsport" xəbər verir ki, günün ikinci qarşılaşmasında "Trabzonspor"la "Samsunspor" üz-üzə gəliblər.

Görüş meydan sahiblərinin 2:1 hesablı qələbəsi ilə yekunlaşıb.

Qarşılaşmada ilk qolu 2-ci dəqiqədə ev sahiblərinin heyətində Filip Benkoviç vurub. 45+1-ci dəqiqədə Paul Onuaçu fərqi iki topa çıxarıb. Qonaqların təsəlli qoluna 90+5-ci dəqiqədə Taylan Antalyalı imza atıb.

Günün ilk matçında isə "Sivasspor" "Qalatasaray"la heç-heçə (1:1) edib.

Bu nəticə ilə xallarının sayını 36-ya çatdıran "Trabzonspor" 3-cü pillədəki yerini qoruyub. "Samsunspor" 18 xalla on yeddincidir.