İtaliya Kuboku: “Yuventus” yarımfinala çıxıb

İtaliya Kubokunun 1/4 finalında “Yuventus” və “Frozinone” qarşılaşıb.

"Olimpsport" xəbər verir ki, Turin şəhərindəki “Alyans Stadium”da keçirilən matçda ev sahibləri qonaqları darmadağın ediblər - 4:0.

Milik het-trik (11-p., 38, 48) edib, 61-ci dəqiqədə isə Yıldız fərqlənib. Bu nəticə “qoca sinyora”nı turnirin yarımfinalına çıxarıb.

Xatırladaq ki, "Yuventus" İtaliya Kubokunun 1/8 finalında “Salernitana”nı 6:1 hesabı ilə məğlub edib.

Turin klubu yarımfinalda “Latsio” ilə qarşılaşacaq. Hər iki oyun apreldə baş tutacaq.