Aqolli "Qarabağ"a nə qədər qazandıracaq?

Fransada keçirilmiş Avropa çempionatının final mərhələsində iştirak etmiş futbolçuların klublarına pul ödəniləcək.
 
Olimpsport.az xəbər verir ki, bu barədə UEFA-nın direktoru Corcio Marketti açıqlama verib. Onun sözlərinə görə, "Avro-2016"da 659 klubun futbolçuları çıxış edib. Buna görə də ayrılan 100 milyon mükafat bu komandalar arasında bölünəcək. Bu məbləğə daha 50 milyon avronun əlavə ediləcəyi də bildirilib.
 
Deməli, son Azərbaycan çempionu "Qarabağ"da bu mükafatdan öz nəsibini alacaq. Xatırladaq ki, Ağdam klubunun müdafiəçisi Ansi Aqolli Albaniya millisinin heyətində mötəbər turnirdə iştirak etmişdi.