Afrika Millətlər Kubokunda Seneqal və Kabo Verde yığmaları növbəti qələbələrini qazanıb

Kot-d'İvuarda təşkil olunan Afrika Millətlər Kubokunda qrup mərhələsinin ikinci turunun oyunları davam edir.

"Olimpsport" xəbər verir ki, dünən B və C qruplarında növbəti qarşılaşmalar keçirilib.

B qrupunda Kabo Verde yığması ikinci oyununda da qalib gəlib. Onlar bu dəfə Mozambiki məğlub ediblər – 3:0.

C qrupunda turnirin favoritlərindən sayılan Seneqal millisi Kameruna 3:1 hesabı ilə qalib gəlib. Qrupun digər görüşündə isə Qvineya seçməsi Qambiyanı məğlub edib – 1:0.

Fevralın 11-dək davam edəcək Afrika Millətlər Kubokunun mükafat fondu 7 milyon ABŞ dollarıdır.