Dünyanın ən yüksək maaşlı məşqçilərinin siyahısı açıqlanıb

Böyük Britaniyanın "The Telegraph" qəzeti dünyanın ən yüksək maaşlı məşqçilərinin növbəti reytinq siyahısını tərtib edib.

Olimpsport.az xəbər verir ki, siyahının ilk pilləsində dəyişilik olub. Bu dəfə birinci pillədə yeni mövsümdən "Mançester Siti"yə rəhbərlik edən Pep Qvardiola yer alıb. Onun illik gəliri 15.3 milyon funt sterlinq (təqribən 20 milyon dollar) təşkil edir. Karlo Ançelotti ("Bavariya", 12.6 milyon funt sterlinq) ikinci, Joze Mourinyo ("Mançester Yunayted", 12.3 milyon avro) üçüncüdür.


Ən yüksək maaş alan 10 məşqçidən 6-ı İngiltərə, 3-ü İspaniya,  1-i isə Almaniya klubunun məşqçisidir.

Dünyanın ən yüksək maaş alan məşqçiləri aşağıda adları qeyd olunanlardır:

1. Xosep Qvardiola («Mançester Siti») - 15,3 milyon funt-sterlinq

2. Karlo Ançelotti («Bavariya») - 12,6 mln.

3. Joze Mourinyo («Mançester Yunayted») - 12,3 mln.

4. Arsen Venger («Arsenal») - 8,9 mln.

5. Luis Enrike («Barselona») - 7,2 mln

6. Yurgen Klopp («Liverpul») -  7 mln.

7. Antonio Konte («Çelsi») -  6,6 mln.

8. Ronald Kuman («Everton») - 6 mln.

9. Dieqo Simeone («Atletiko») - 5,1 mln.

10. Zinəddin Zidan («Real») - 4,6 mln.