Asiya Kuboku: İraq və Yaponiya pley-offa yüksəlib

Qətərdə təşkil olunan futbol üzrə Asiya Kubokunda qrup mərhələsinin üçüncü turunun növbəti oyunları keçirilib.

"Olimpsport" xəbər verir ki, bu gün oynanılan iki matçla D qrupunda mübarizəyə yekun vurulub.

1/8 final mərhələsinə vəsiqəni ötən tur təmin edən İraq millisi qrupdakı son oyununda Vyetnama 3:2 hesabı ilə qalib gələrək maksimum nəticə göstərib – 9 xal.

Bu qrupda pley-offa yüksələn ikinci komanda isə İndoneziyanı 3:2 hesabı ilə üstələyən Yaponiya kollektivi (6 xal) olub.

Qeyd edək ki, Asiya Kubokuna fevralın 10-da yekun vurulacaq.