Asiya Kuboku: İordaniya qələbə qazanaraq 1/4 finala yüksəlib

Futbol üzrə Asiya Kubokunda 1/8 final mərhələsinin növbəti oyunu keçirilib.

"Olimpsport" xəbər verir ki, günün ilk qarşılaşmasında İraq millisi İordaniya ilə üz-üzə gəlib. Görüş maraqlı və dramatik alınıb.

Hesabı ilk hissənin sonlarında İordaniya yığması açıb. İkinci hissədə iki qol vuran İraq kollektivi vəziyyəti öz xeyrinə dəyişsə də, meydanda azlıqda qalıb və üstünlüyü əldən verib. Nəticədə daha iki dəfə fərqlənən iordaniyalılar 3:2 hesablı qələbə ilə 1/4 finala yüksəliblər.

Günün digər görüşü Qətər və Fələstin yığmaları arasında olacaq.

Qeyd edək ki, daha əvvəl Avstraliya və Tacikistan seçmələri 1/4 final mərhələsinə vəsiqə qazanıblar. Turnirə fevralın 10-da yekun vurulacaq.