Afrika Millətlər Kuboku: Kabo-Verde 1/4 finalda

Kot-d'İvuarda təşkil olunan Afrika Millətlər Kubokunda 1/8 final mərhələsinin növbəti matçları keçirilib.

"Olimpsport" xəbər verir ki, Kabo-Verde yığması Mavritaniyaya 1:0 hesabı ilə qalib gələrək adına növbəti raunda yazdırıb.

Seneqal və Kot-d'İvuar arasında oynanılan matç isə gərgin alınıb. Əsas və əlavə vaxtı 1:1 hesabı ilə bitən görüşdə qalib penaltilər seriyasında müəyyənləşib. Burada daha dəqiq oynayan Kot-d'İvuar seçməsi növbəti mərhələyə vəsiqə qazanıb – 5:4.

Qeyd edək ki, daha əvvəl Anqola, Nigeriya və Konqo seçmələri 1/4 finala adlayıblar. Turnirə fevralın 11-də yekun vurulacaq.