Mahir Emreli İspaniya klubu ilə oyunlar üçün sifariş olunub

Xorvatiyanın “Dinamo” (Zaqreb) klubu Konfrans Liqasının pley-off mərhələsində İspaniyanın “Betis” komandasına qarşı keçirəcəyi oyunlar üçün iştirak ərizəsini UEFA-ya təqdim edib.

"Olimpsport" Avropa futbol qurumunun rəsmi saytına istinadən xəbər verir ki, siyahıda 32 futbolçunun adı yer alıb. Onların arasında Azərbaycan millisinin hücumçusu Mahir Emreli də var. 27 yaşlı forvard hazırda zədəli olsa da, adı iştirak ərizəsində A siyahısına salınıb.

Qeyd edək ki, “Dinamo” və “Betis” komandaları arasında ilk oyun fevralın 15-də İspaniyada, cavab matçı isə bir həftə sonra Xorvatiyada keçiriləcək.