Futbol üzrə Türkiyə Superliqası: "Qalatasaray" liderliyə yüksəlib

Futbol üzrə Türkiyə Superliqasında XXV turun daha iki oyunu keçirilib.

"Olimpsport" xəbər verir ki, çempionluq uğrunda mübarizə aparan "Qalatasaray" öz meydanında "Başakşəhər"lə qarşılaşıb. Rəqibini 2:0 hesabı ilə məğlub edən İstanbul klubu xallarını 66-ya çatdıraraq zirvəyə yüksəlib. Liderdən bir oyun az keçirən "Fənərbağça" isə 63 xalla hələlik 2-ci pillədə qərarlaşıb.

Günün digər oyununda "Karagümrük" evdə "Pendikspor"a 2 cavabsız qolla qalib gəlib.