"Qalatasaray" futbolçusu ilə yollarını ayırmaq istəyir

Türkiyənin "Qalatasaray" klubu futbolçusu Tete ilə yollarını ayırmaq istəyir.

"Olimpsport" "Fanatik"ə istinadən xəbər verir ki, İstanbul təmsilçisi 24 yaşlı vingeri yay transfer dönəmində satmağı planlaşdırır.

Braziliyalı oyunçunun ölkəsinə qayıdacağı gözlənilir. Bir neçə klub onunla yaxından maraqlanır.

Qeyd edək ki, Tete cari mövsüm Superliqada 26 oyuna çıxıb və qol vura bilməyib. O, yalnız Çempionlar Liqasının qrup mərhələsində bir qolla yadda qalıb.