Bakıda UEFA-nın C kateqoriyalı məşqçi kursunun I modulu başa çatıb

AFFA-nın Təhsil və Reabilitasiya mərkəzində UEFA-nın C kateqoriyalı məşqçi kursunun I modulu başa çatıb.

"Olimpsport" milli assosiasiyanın rəsmi saytına istinadən xəbər verir ki, İlham Əzizzadə, Fərid Namazov, Xanlar Əliyev və Dəyanət Əliyevin rəhbərlik etdiyi ilk mərhələyə aprelin 2-də start verilmişdi.

Kursun ikinci mərhələsi aprelin 16-dan 19-dək, üçüncü mərhələsi aprelin 30-dan mayın 3-dək, dördüncü mərhələsi isə mayın 20-dən 25-dək davam edəcək.