1 İyun - Uşaqların Beynəlxalq Müdafiəsi Günü münasibətilə master-klas təşkil olunub

1 İyun - Uşaqların Beynəlxalq Müdafiəsi Günü münasibətilə Gənclər və İdman Nazirliyi tərəfindən valideyn himayəsindən məhrum olmuş uşaqlar üçün buz üzərində əyləncəli master-klas təşkil olunub.

"Olimpsport" xəbər verir ki, Heydər Əliyev adına İdman-Konsert Kompleksinin buz meydançasında keçirilən master-klasda 3 saylı uşaq evindən 6-12 yaş arası uşaqlar iştirak ediblər.

Onlar buz üzərində konkisürmə və digər aktiv fəaliyyətlərdə öz bacarıqlarını sınayıblar.