"Real" "Bavariya"nın futbolçusunu transfer edə bilər

İspaniyanın "Real" (Madrid) klubu Almaniya təmsilçisi "Bavariya"nın futbolçusu Yozua Kimmixi transfer edə bilər.

"Olimpsport" "Bild"ə istinadən xəbər verir ki, "kral klubu" 29 yaşlı yarımmüdafiəçini klubdan ayrılacağı dəqiqləşən Toni Kroosun əvəzinə heyətə qatmaq istəyir.

Qeyd edək ki, Y. Kimmixin münhenlilərlə 2025-ci ilə qədər müqaviləsi var. "Transfermarkt" portalı futbolçunun dəyərini 50 milyon avro qiymətləndirir.