Azərbaycan millisi Avropa çempionatının seçmə mərhələsində sonuncu matçını keçirəcək

Qadın futbolçulardan ibarət Azərbaycan millisi bu gün Avropa çempionatının seçmə mərhələsində sonuncu oyununu keçirəcək.

"Olimpsport" xəbər verir ki, B Liqasının 1-ci qrupunda yer alan yığma İsveçrə ilə qarşılaşacaq.

Lozanna şəhərində yerləşən “Olimpik De La Pontez” stadionunda baş tutacaq görüşü Slovakiyadan olan hakimlər briqadası idarə edəcək. Qarşılaşma Bakı vaxtı ilə saat 21:00-da başlayacaq.

Avropa çempionatı, seçmə mərhələ

16 iyul

21.00. İsveçrə - Azərbaycan

Hakimlər: Miriama Boçkova, Miroslava Pastorekova, Aleksandra Varqova, Suzana Valentova (hamısı Slovakiya).

Lozanna, "Olimpik De La Pontez" stadionu.

Qeyd edək ki, B Liqasının 1-ci qrupunda İsveçrə, Macarıstan və Türkiyə ilə mübarizə aparan Azərbaycan millisi 4 xalla sonuncu pillədə qərarlaşıb.