Paris-2024: Cüdoçumuz yarımfinala vəsiqə qazandı

Cüdo üzrə yığma komandamızın üzvü Zelim Kotsoyev Paris-2024 Yay Olimpiya Oyunlarında 1/4 final görüşünə çıxıb. -100 kq çəki dərəcəsində qüvvəsini sınayan dünya və Avropa çempionumuz bu mərhələdə İsrail təmsilçisi Peter Palçiklə qarşılaşıb. Rəqibinə qalib gələn Zelim Kotsoyev yarımfinala vəsiqə qazanıb. 
Qeyd edək ki, cüdoçumuz ilk mərhələdə polşalı Pyotr Kuçeraya qalib gəlmişdi.