Paris-2024-ün ən gözəl idmançısı barədə şaiyələr gəzir

Paris-2024 Yay Olimpiya Oyunlarının ən gözəl idmançısı adlandırılan paraqvaylı üzgüçü Luana Alonsonun Olimpiya kəndini tərk etməsi ilə bağlı məlumatlar yayılıb. İdmançı bu barədə yayılan məlumatların həqiqəti əks etdirmədiyini bildirib. “Xahiş edirəm, yalan məlumat yaymağı dayandırın. Mən heç yerə getməmişəm və  məni də buna heç kim məcbur edə bilməz. Yalanların mənə təsir etməsinə icazə verməyəcəyəm”, - deyə Alonso öz sosial şəbəkə hesabında bildirib.
Məlumat üçün bildirək ki, Alonso 100 metr məsafəyə batterflay usulu ilə üzmə yarışında iştirak etsə də, təsnifat mərhələsində mübarizədən kənarda qalıb. Bu uğursuzluqdan sonra idmançı komanda rəhbərliyinə əvvəlcədən xəbər vermədən karyerasını bitirdiyini açıqlayıb. Alonsonun sözlərinə görə, o, Olimpiadaya getməzdən əvvəl çıxışlarını dayandırmaq qərarına gəlib. Mətbuatın yazdığına görə, Alonso artıq ABŞ-a qayıdıb.