"Zirə" “Kasımpaşa” komandasından futbolçu transfer edib

“Zirə” klubu heyətini yeni futbolçu ilə gücləndirib.

"Olimpsport" xəbər verir ki, Premyer Liqa təmsilçisi Türkiyənin “Kasımpaşa” komandasından Ayron Qomisi transfer edib.

Fransalı yarımmüdafiəçi ilə 2 illik müqavilə bağlanıb.

Qeyd edək ki, 24 yaşlı futbolçu həmçinin karyerası ərzində ölkəsinin “Amyen”, “Dünkerk” və İtaliyanın “Salernitana” klublarında çıxış edib.