"El Klassiko"dan əldə olunan bütün vəsait "Şapekoense"yə veriləcək

İspaniya La Liqasında XIV turun "Barselona" - "Real Madrid" oyunundan əldə olunacaq vəsait təyyarə qəzası nəticəsində futbolçularını itirən Braziliyanın "Şapekoense" klubuna veriləcək. Olimpsport.az xəbər verir ki, "El Klassiko" dekabrın 3-də "Nou Kamp"da keçiriləcək.

Bununla yanaşı, Argentina Futbol Assosiasiyası (AFA) və Braziliyanın "Korintians", "San-Paulu", "Palmyeras", "Koritiba" və "Santos" klubları da hadisəyə diqqətsiz qalmayıb. AFA və klublar komandanı bərpa etmək üçün heç bir ödəniş olmadan futbolçuları icarəyə verə biləcəklərini açıqlayıb.

Üstəlik, klublar "Şapokeonse"nin qarşıdakı 3 mövsüm ərzində güclülər dəstəsini tərk etməməsi üçün Braziliya Futbol Konfederasiyasına müraciət ediblər.

Qeyd edək ki, noyabrın 29-da baş verən təyyarə qəzasında "Şapokeonse"nin futbolçular da olub. Onlardan yalnız üçü - müdafiəçi Alan Ruşel, qapıçılar Danilo Padilya və Jakson Follman sağ qalıb. Hadisəyə görə, Braziliyada 3 günlük matəm olunub və Cənubi Amerika Futbol Konfederasiyasının bayrağı (KONMEBOL) altında keçirilən bütün beynəlxalq yarışlar, o cümlədən Cənubi Amerika Kubokunun finalının keçirilməsini qeyri-müəyyən vaxta qədər dayandırılıb. Dünyasını dəyişənlərdən Filipe Joze Maçado və Villiam Tieqo de Xesus vaxtilə Azərbaycanda müvafiq olaraq, "İnter" və "Xəzər Lənkəran"da çıxış ediblər.(Report)