Cənubi Amerika kuboku "Şapekoense"yə təqdim edildi

Cənubi Amerika kuboku Braziliyanın oyunçuları aviaqəzada həlak olmuş "Şapekoense" futbol klubuna verilib.

 

Olimpsport.az Sport7.az-a istinadən xəbər verir ki, bu barədə Kolumbiyanın "El Tiempo" qəzeti məlumat yayıb. 

 

Təqdimetmə "Libertadores-2017" kubokunun püşk atma mərasimində baş tutub. Kolumbiyanın "Atletiko Nasional" klubu isə "Feyr Pley" mükafatına layiq görülüb. 

 

Qeyd edək ki, göyərtəsində Amerika Kubokunun final görüşü üçün səfərə yollanan "Şapekoense" futbol klubunun heyətinin olduğu təyyarə noyabrın 29-da Medelina yaxınlığında qəzaya uğrayıb. Nəticədə təyyarədə olan 77 nəfərdən  6 nəfər sağ qalıb. Onlardan 3-ü "Şapekoense"nin oyunçularıdır.