Buffoonun arzusu reallaşmaq üzrədir

Avropa Çempionlar Liqasının 2-ci yarımfinal görüşünün də ilk qarşılaşması baş tutub. Fransa təmsilçisi "Monako" doğma meydanda İtaliya təmsilçisi, "Yuventus" klubunu qəbul edib. Böyük klubların gözündən yayınıb yarım finala qədər gəlib çıxan "Knyazlıq"ın bu dəfə bəxti gətirməyib. Qonsales İquainin dublu fransızların final arzusunun real olmadığını sübut edib(0:2).Beləliklə, cavab qarşılaşmalarında sensasiya baş verməsə, finalda "Real Madrid"-"Yuventus" qarşılaşması izləyəcəyik.Əgər proqnozlar özünü doğrultsa, final olduqca maraqlı statistikalardan ibarət olacaq. Bir vaxtlar şərəfini qoruduğu komandaya qarşı məşqçi kimi mübarizə aparmaq həm Zinəddin Zidan, həm də azarkeşlər üçün maraqlı olacaq. Maraqlı statistikalardan biri də odur ki, "qoca senyora"nın qoca qapıçısı Buffon karyerası ərzində ÇL-ni qazana bilməyib. Buffonun arzusu reallaşmaq üzrədir. Hətda, "Yuventus" azarkeşləri olmayan bəzi fanatlar da Buffonun bu arzusuna çatmağını istəyirlər.  Axı futbol tarixində belə əzmkar və öz doğma komandasına sadiq qapıçılar hələ-hələ yetişmir. Qonsales İquainin də keçmiş klubuna qarşı oynayacağı  maraqla gözlənilir. Bir sözlə, futbol ictimaiyyəti "Real Madrid"-"Yuventus" finalını səbrsizliklə gözləyir.