Rüştü Rəcbərlə film kimi müsahibə-VİDEO

Ötən ay Tovuz Rayonu Gənclər Evinin və "Olimpsport" jurnalının rəhbərliyi İstanbul şəhərində Türkiyə millisinin keçmiş qapıçısı, Rüştü Rəcbərin qonağı olub. Vaxtilə "Barselona", "Fənərbaxça" və "Beşiktaş" kimi nəhəng futbol klublarının şərəfini qorumuş Rüştü Rəcbər "Olimpsport" jurnalına video kamera önündə müsahibə verib. Tovuz Rayonu Gənclər Evinin direktoru Rauf Rüstəmov və "Olimpsport" jurnalının baş redaktoru Ramin Allahverdiyevin iştirakı ilə keçirilən  görüş bir sıra maraqlı məqamları ilə diqqəti cəlb edib. Məhz bu səbəbdən Tovuz Rayonu Gənclər Evinin və "Olimpsport" jurnalının təşəbbüsü və təşkilatçılığı ilə  tarixin ən yaxşı türk qapıçısı, Rüştü Rəcbərlə müsahibənin video materiallarından ibarət filmin çəkilməsi qərara alınıb.

Qeyd edək ki, yay mövsümü ərzində "Olimpsport" jurnalının növbəti sayı ilə bərabər Rüştü Rəcbər haqqında çəkilən film də oxuculara təqdim ediləcək. Paytaxtımızda keçiriləcək təqdimat mərasimində Rüştü Rəcbərin də iştirakı gözlənilir.