Sergey Zenyovun yeni klubu müəyyənləşib

"Qəbələ"nin sabiq futbolçusu Sergey Zenyovun Polşanın "Krakovia" klubuna keçidi rəsmiləşib.

Olimpsport.az-ın klubun saytına istinadən yaydığı xəbərə görə, estoniyalı hücumçu yüksək liqa təmsilçisi ilə 1+1 illik müqavilə imzalayıb.

Qeyd edək ki, Zenyov 2015-ci ildən "Qəbələ"də çıxış edirdi. O, ötən mövsüm "qırmızı-qaralar"ın heyətində  33 matçda  10 qol vurub.