“Napoli”dən Bakı ilə bağlı paylaşım - FOTO

İtaliyanın "Napoli" klubu sosial şəbəkədə Bakı ilə bağlı maraqlı paylaşım edib.

Neapol təmsilçisi tvitter səhifəsində 4 fanatının Bakıda çəkilən fotosunu yayıb.

Yeni formasını nümayiş etdirən "Napoli" italyan, ingilis və Azərbaycan dillərində açıqlama yayıb:

"Azərbaycan, bizim yeni mövsüm köynəyimiz və Bakı şəhərinin möhtəşəm Alov qüllələri. Yeri gəlmişkən, Bakı və Neapolun qardaşlaşmış şəhərlər olduğunu bilirdizmi?"

Qeyd edək ki, Bakı ilə Neapol 1972-ci ildən qardaşlaşmış şəhərdirlər.