"Roma"nın futbolçusu: "Sürpriz komanda "Qarabağ"dı"

"Qrupumuz çətindir. Lakin biz məsuliyyətimizi dərk edirik".
 
Bu sözləri İtaliya mətbuatına açıqlamasında "Roma"nın müdafiəçisi Xuan Jesus deyib.
 
Braziliyalı futbolçu Çempionlar Liqasında "Çelsi", "Qarabağ" və "Atletiko" ilə eyni qrupda yer almalarından danışıb. 26 yaşlı müdafiəçi komandasının qrupdan çıxmaq gücündə olduqlarını bildirib: "Çelsi", "Atletiko"nun gücünü hamı bilir. Sürpriz komanda "Qarabağ"dı. Amma biz öz keyfiyyətlərimizə bələdik. Növbəti mərhələyə adlaya bilərik. Əvvəlcə ilk oyunda "Atletiko"ya qalib gəlməliyik".