Avropa çempionatı 1/4 final həyəcanı davam edir

Bu gün Avropa çempionatında ikinci 1/4 final görüşü keçiriləcək.

 

Olimpsport.az saytının məlumatına görə, turnirin sürprizlərindən hesab olunan Uels millisi ilə Belçika yığması üz-üzə gələcəklər.

 

Çempionata yaxşı başlamayan, ancaq tədricən öz oyununu tapan Belçika yığması 1/8 finalda Macarıstanı darmadağınla keçib. Eden Hazardın liderlik etdiyi “qırmızı şeytanlar” heyətindəki oyunçulara görə, turnirin gizli favoritlərindən hesab olunur.

 

Uels isə Qaret Beyl və Aaron Remzi kimi ulduzları ilə addım-addım irəliləməyə davam edir. “Əjdahalar” tarixində ilk dəfə yarımfinal uğrunda mübarizəyə qoşulacaqlar.

 

1/8 finalda Britaniya derbisində Şimali İrlandiyanı tək qolla keçən “qırmzılar” yarımfinal üçün bütün gücü ilə mübarizə aparacaqlar.

 

Avropa çempionatı

1/4 final

1 iyul

 

23:00. Uels - Belçika

Baş hakim: Damir Skomina

Yan xətt hakimləri: Yure Praprotnik, Robert Vukan

Əlavə köməkçi hakimlər: Matey Yuq, Slavko Vinçiç (hamısı Sloveniya)

Dördüncü hakim: Nikola Ritsoli (İtaliya)

Ehtiyat yan xətt hakimi: Elenito di Liberatore (İtaliya)

Hakim-inspektor: Mark Batta (Fransa)

UEFA nümayəndəsi: Adonis Prokopyu (Kipr)

Lill. “Pyerr Morua” stadionu