Azərbaycan millisinin belə konsentrasiyalı oynadığını görməmişdim

“Azərbaycan millisinin belə konsentrasiyalı oynadığını görməmişdim. Onlar əksər vaxtlarda bizi qiymətləndirməyib, arxayın oynasalar da, bu dəfə belə olmadı”

Olimpsport.az-ın məlumatına görə, bunu qadın voleybolçulardan ibarət Slovakiya millisinin baş məşqçisi Marek Royko deyib.
 
Təcrübəli mütəxəssis Avropa Liqasının final mərhələsində Azərbaycanla oyunu şərh edib. O bildirib ki, 1:3 hesabı ilə uduzmalarında səhvləri və yığmamızda güclü oyunçuların yer alması rol oynayıb. Cavab oyunu iyulun 3-də keçirəcək: “Bizim oyunçular rəqibə hörmətlə yanaşıb, onlara qarşı yaxşı mübarizə apardılar və 1 setdə də qalib gəldilər.

 

Amma ümumilikdə çox səhv etdik. Azərbaycan millisi dünyanın ən yaxşılarından olan Polina Rəhimova kimi voleybolçuya malikdi. Qarşılaşmanın 3-cü seti həlledici ola bilərdi. Biz orada qalib gəlməliydik. Lakin 22:20 hesabı ilə öndə olduğumuz hissədə uduzub, qarşılaşmanı da əldən verdik”.