13 yaşlı futbolçu “Neftçi”nin əsas komandasının məşqində

"Neftçi” Topaz Premyer Liqasının 10-cu turunda qarşılaşacağı "Sumqayıt”la oyunun hazırlığını gündə iki məşqlə davam etdirir.  Bu gün ilk hazırlıq prosesi İsmət Qayıbov adına təlim-məşq bazasının meydanında olub.

Baş məşqçi Tərlan Əhmədov əvəzedici komandanın 18 yaşlı üzvləri – müdafiəçi Rəhman Daşdəmirov və yarımmüdafiəçi Xəyal Tomarov, həmçinin U-14 komandasının müdafiəçisi, 31.08.2004-cü il təvəllüdlü Bulud Həziyevi də bu məşqə cəlb edib.