Qurban Qurbanov "Çelsi"nin düşərgəsinə yollanacaq

“Qarabağ”ın baş məşqçisi Qurban Qurbanov “Çelsi”nin düşərgəsinə yollanacaq. Millimizi də çalışdıracaq 45 yaşlı mütəxəssis London klubunun düşərgəsində bir neçə gün olacaq və onun məşqlərini izləyəcək.

Bununla bağlı Qurbanov fikrini də bildirib: “Mən həmişə lider məşqçiləri izləməyi sevirəm. Ona görə də “Çelsi”ni seçdim. Maraqlıdır ki, Antonio Kontenin uğurlarının səbəbi nədir. Bu məqsədlə məşqləri izləmək üçün ora gedəcəm”.

Xatırladaq ki, "Çelsi" Çempionlar Liqasının qrup mərhələsində "Qarabağ"ın rəqiblərindən olub.