Ruslan Abışovla Vüsal Cavadov "İlin İdman Qurğusu"nda

Futbol üzrə milli yığma komandamızın üzvü və "Neftçi" futbol klubunun kapitanı Ruslan Abışovla xalq pəhləvanı Vüsal Cavadov Tovuz rayonuna səfər ediblər. Olimpsport.az xəbər verir ki, qonaqlar səfər zamanı Tovuz Olimpiya İdman Kompleksinə də baş çəkiblər. Xatırladaq ki, kompleks bir neçə gün qabaq 2017-ci ilin idman yekunlarına həsr olunmuş mərasimdə Gənclər və İdman Nazirliyi tərəfindən "İlin İdman Qurğusu" seçilib. Qonaqlar bu münasibətlə kompleksin direktoru Mübariz Məmmədovu təbrik ediblər. Direktor da öz növbəsində onlara təşəkkürünü bildirib. Məmmədov kompleksin kollektivi adından qonaqlara öz hədiyyələrini təqdim edərək, onların Tovuzda olmasından böyük məmnunluq hiss keçirdiyini də qeyd edib.