Mahir Mədətov: "Legioner həyatı yaşamaq istəyirəm" - MÜSAHİBƏ

Futbol üzrə milli komandamızın və “Qarabağ”ın üzvü Mahir Mədətovun “Olimpsport.az”-a müsahibəsi

 

 - Mahir, əvvəlcə səni Yeni il və Dünya Azərbaycanlılarının Həmrəylik günü münasibəti ilə təbrik edirəm…

 - Mən də sizi, kollektivinizi və bütün futbol azarkeşlərinin təbrik edirəm.

 

 -Maraqlıdır, Mahir Mədətov haqqında azarkeşlərin bilmədiyi hansı məqamlar var?

 - Bu gün sosial mediya o qədər inkişaf edib ki, azarkeşlərin haqqımda bilmədiyi heç nə yoxdu.

 

 - “Qarabağ” Mahir üçün iş yeri olan bir klubdu ya bir ailə?

 - “Qarabağ” mənim üçün ailədi. Çünki bütün zamanım klubda keçir və fikrimdə ancaq komandama necə kömək edəcəyimdi.

 

 - Planlarında legioner həyatı yaşamaq var ya elə “Qarabağ”la davam?

 - Legioner həyatı yaşamaq istəyirəm.

 

 - Son vaxtlar fanatların da xeyli artıb…Onlara sözün?

 - Fanatlarıma demək istəyirəm ki, aramızdakı bağdan çox məmnunam.

 

 - Mahir Mədətov və “Beşiktaş”…Sizi nə birləşdirir?

 - Come to “Beşiktaş” (gülür) Heç nə…

 

-  “Qarabağ” növbəti mövsüm də indiki gücünü qorumağı bacaracaq?

 - Növbəti mövsümdə də çempionluğa iddialıyıq.

 

 - Qurban Qurbanov amili millimiz üçün də “Qarabağ” qədər uğurlu olacaq?

-  Qurban müəllimə etimad göstərənlər, onun gücünə bələddirlər.

 

 - Qarşıdan Avropa çempionatının seçmə mərhələsi və Millətlər Liqası gəlir. Millimiz nəhayətki gözləntiləri doğrulda biləcək?

 - Bu haqda indidən heç nə demək olmaz. Uğurlu olması üçün əlimizdən gələni edəcəyik.

 

 - Geridə qalan ildə komandanız kifayət qədər hakim haqsızlığına məruz qaldı. Bu sənə hansı amillərlə təsir göstərdi? Ümumumilikdə mövsümün ağırlığını öz üzərindən ata bilmisənmi?

 - Mən heç vaxt hakimlik haqqda danışmıram. Hələki o qədər böyüməmişəm(gülür).

 

 - Azarkeşlərin oyunlarınıza marağı, dəstəyi səni qane edir?

 -Mən azarkeşlərimizdən hər zaman razıyam. Allah hər birindən razi olsun.

 

 - 2017-ci ildə hansı arzun həyata keçməyib?

 - 2017-ci il mənim üçün arzuladığımdan da uğurlu oldu.

 

 - Vaxtını ayırıb sualları cavablandırdığın üçün təşəkkür edirəm!

 - Mən də sizə təşəkkür edirəm!

Nuriyyə Zeynalova