Vüqar Nadirov "Qarabağ"da

"Olduqca şadam. Bir ağdamlı, şəhid balası kimi yenidən "Qarabağ"a qayıtdım". 
Olimpsport.az-ın məlumatına görə, bunu "Qarabağ"ın yeni transferi Vüqar Nadirov klubun rəsmi saytına açıqlamasında deyib. 
29 yaşlı hücumçu baş məşqçi Qurban Qurbanovun etimadını doğrultmaq üçün əlindən gələni edəcəyinə söz verib: "Hər bir komandada rəqabət var, "Qarabağ"da da məşqlərdə əlimdən gələni edəcəyəm ki, baş məşqçinin verdiyi tapşırıqları layiqincə yerinə yetirim. Əvvəllər 6 il bu komandada oynamışdım. Klub rəhbərliyini də tanıyıram, onlara da təşəkkür edirəm ki, yenidən komandaya qayıtmağıma dəstək oldular. Çalışacağam ki, həm avrokuboklarda, həm də çempionatda komandaya xeyir verim. "Qarabağ" azarkeşləri bizim ürəyimizdədir. Çalışacağam ki, onları sevindirim".
Qeyd edək ki, "Qarabağ" Vüqar Nadirovla 1 illik müqavilə bağlayıb.