Fazil Məmmədov məşhur güləşçimizə vəzifə verdi

Azərbaycanın Yay Olimpiya Oyunlarında ikiqat gümüş medalçısı Rövşən Bayramov Güləş Federasiyasında işlə təmin olunub.

 Azərbaycan Güləş Federasiyasının prezidenti Fazil Məmmədov Rövşən Bayramovu Yunan-Roma güləş yığmamızın məşqçisi təyin edib.

Bundan başqa, London Olimpiadasının bürünc medalçısı Emin Əhmədov da "klassik"lərdə məşqçiliyə başlayıb. Əşrəf Əliyevlə Yaşar Əliyev isə sərbəst güləş yığmamızda məşqçi təyin olunublar.