Firdovsi Umudovun komandası Avropa ikincisi oldu - FOTO-VİDEO

Rusiya Federasiyasının Kaspiysk şəhərində güləş üzrə böyüklər arasında Avropa çempionatı sona çatıb. "Olimpsport.az" xəbər verir ki, Azərbaycan sərbəst güləş yığması yarışları uğurla başa vurub.

Belə ki, yığma komandamız çempionatı 2 qızıl, 2 gümüş və 4 bürünc medalla tamamlayıb. Qızıl medalları yığmamıza Georgi Edişeraşvili (57 kq) və Hacı Əliyev (65 kq) qazandırıb. Aleksandr Qostiyev (86 kq) və Şərif Şərifov (92 kq) gümüş medalla kifayətlənib. Bürünc medalları isə yığmamıza Murtuz Müslümov (70 kq), Cəbrayıl Həsənov (79 kq), Nurməhəmməd Hacıyev (97 kq) və Cəmaləddin Məhəmmədov (125 kq) qazandırıb. Bu nəticə ilə yığmamız komanda hesabında 160 xal toplayaraq Avropa ikincisi olub. Rusiya 204 xalla birinci, Türkiyə 125 xalla üçüncü olub.