"Qarabağ"ın futbolçusu İtaliya A Seriyasında

"Qarabağ” klubunun futbolçusu Donald Gerrye karyerasını İtaliyada davam etdirə bilər.
 
Bu barədə 29 yaşlı yarımmüdafiəçinin özü "Haitisporttotal” portalına bildirib. Haiti yığmasının üzvünün xidmətində İtaliya A Seriyasının adı açıqlanmayan klubu maraqlıdır.
 
"Avropanın Top-5 liqalarından birində oynaya biləcəyimlə fəxr edirəm”, - deyə Gerrye vurğulayıb.
 
Qeyd edək ki, Donald Gerrye ötən yay "Qarabağ”la iki illik müqavilə bağlayıb. O, Ağdam komandasında 34 oyuna 3 qol, 1 məhsuldar ötürmə müəllifi olub.