Xorvatiya 4-cü oldu: Kim qalır, kim gedir?

Rusiyada təşkil olunmuş futbol üzrə dünya çempionatında daha bir komanda 1/8 finala vəsiqəni vaxtından öncə təmin edib.  D qrupunda yer alan Xorvatiya yığması Argentinaya 3:0 hesabıyla qalib gəlməklə pley-offa vəsiqə qazanıb. 


İlk turda Nigeriyanı da 2:0 hesabıyla üstələmiş Avropa təmsilçisi xal hesabını 6-ya çıxararaq ən azı qrup ikinciliyini təmin etdi.


Xatırladaq ki, daha öncə A qrupunda yer alan Rusiya və Uruqvay, həmçinin C qrupundakı Fransa yığmaları da pley-offa vəsiqə əldə etmişdi. 


Misir, Səudiyyə Ərəbistanı, Mərakeş və Perunun isə DÇ-2018-ə elə qrup mərhələsindəcə vida edəcəyi dəqiqləşib.