Belçika Tunisə, Almaniya - İsveçə qarşı

Rusiyada keçirilən futbol üzrə dünya çempionatı davam edir. Bu gün G və F qruplarında yer alan komandaların iştirakı ilə daha üç oyun baş tutacaq.


Günün ilk oyununda mundialın favoritlərindən hesab olunan Belçika yığması Tunisi sınağa çəkəcək. İlk turda Panamaya 3 cavabsız qolla qalib gəlmiş Avropa təmsilçisi bu dəfə də qələbə qazansa, pley-offa vəsiqəni təmin edəcək.


Daha sonra Cənubi Koreya və Meksika yığmaları üz-üzə gələcək. İlk turda Almaniyanı minimal hesabla məğlub etmiş meksikalılar ardıcıl ikinci qələbə ilə qrupdan çıxmağı təmin edə bilər.


Günün son matçında isə Almaniya ilk turda Cənubi Koreyanı məğlub etmiş İsveçlə üz-üzə gələcək.
 

DÇ-2018
23 iyun


G qrupu


16:00. Belçika- Tunis
Baş hakim: Ceyr Marrufo (ABŞ).
Moskva. “Spartak” stadionu.


F qrupu


19:00. Cənubi Koreya - Meksika
Baş hakim: Milorad Majiç (Serbiya).
Rostov. “Rostov Arena”


22:00. Almaniya - İsveç
Baş hakim: Şimon Marçinyak (Polşa).
Soçi. “Fişt” stadionu.