Riçard Almeydanın yeni klubu bəlli oldu

Futbol üzrə Azərbaycan yığmasının yarımmüdafiəçisi, geridə qalan mövsüm başa çatan kimi “Qarabağ”dan ayrılan Riçard Almeydanın yeni klubunun adına aydınlıq gəlib. Braziliyalı futbolçu bundan sonra karyerasını Qazaxıstanın “Astana” klubunda davam etdirəcək.


Almeyda bir müddət öncə “Qəbələ”dən ayrılaraq bu klubun baş məşqçisi təyin olunan Roman Qriqorçukun dəvətini müsbət qarşılayıb. Almeyda yeni klubu ilə 2 illik müqavilə bağlayıb. Riçard burada ilinə 1 milyon dollar qazanacaq.


Xatırladaq ki, Almeyda 2011-ci ildən şərəfini qoruduğu “Qarabağ”da bütövlükdə 141 mata çıxıb, 33 qola imza atıb. O, 2017-ci ildən etibarən Azərbaycan yığmasının da şərəfini qoruyur.(azerifootball)