Fransa Uruqvaya, Belçika Braziliyaya qarşı

Rusiyada təşkil olunmuş futbol üzrə dünya çempionatı davam edir. Bu gün DÇ-2018-in 1/4 final mərhələsinə start veriləcək.


İlk yarımfinalçının adına Uruqvay - Fransa matçında aydınlıq gələcək. DÇ-nin əsas favoritlərindən sayılan fransızların bu ehtimalları nə dərəcədə doğruldacağı maraq doğurur.


Günün digər oyunu Braziliya və Belçika yığmaları arasında baş tutacaq. Bu görüşdə də beşqat dünya çempionlarının şansları daha yüksək qiymətləndirilir.


DÇ-2018
1/4 final
6 iyul


18:00. Uruqvay - Fransa
Baş hakim: Nestor Pitana (Argentina).
Nijni Novqorod. “Nijni Novqorod” stadionu.


22:00. Braziliya - Belçika
Baş hakim: Milorad Majiç (Serbiya).
Kazan. “Kazan Arena”.