Məşhur FİFA referisi baş məşqçi təyin olundu

İtaliyalı məşhur hakim Paolo Talyavento məşqçiliyə başlayıb. Sabiq referi bu ölkənin C Seriyasında mübarizə aparan “Ternana” klubuna baş məşqçi təyin olunub. Bu barədə klubun rəsmi saytı məlumat yayıb.


45 yaşlı FİFA referisi hakimlik karyerasını yenicə başa vurub. Sözügedən klubun təmsil etdiyi Terni şəhərindən olan Talyavento baş məşqçi təklifini dərhal qəbul edib. O, geridə qalan mövsümdə B Seriyasını tərk edən doğma komandasına kömək etməyə qərar verib.


Talyavento hakimlik karyerası ərzində A Seriyasında 221, UEFA Çempionlar Liqasında 28, Avropa Liqasında 32 oyun idarə edib.