Ərdoğan: “Özilin gözlərindən öpürəm”

Almaniya milisində karyerasını başa vuran "Arsenal"ın yarımmüdafiəçisi Məsut Özilə dəstək çıxanlarda biri də Türkiyə prezidenti Rəcəb Tayyip Ərdoğan olub. Dövlət başçısı dünən türkəsilli oyunçuya bununla bağlı zəng etdiyini deyib.

 

"Məsutun gözlərindən öpürəm. Onun bu addımı tam milli bir hərəkətdir" - deyə o bildirib.

 

Ərdoğan təkcə M.Özilə deyil, onunla şəkil çəkdirən digər oyunçular - İlkay Gündoğan və Cenk Tosuna da dəstək çıxıb: "Mənimlə şəkil çəkdirmələrini həzm edə bilmirlər. Sonuna qədər Məsutun arxasındayıq".

 

Qeyd edək ki, Özil şəxsi "Twitter" hesabından millidəki karyerasını başa vurduğunu açıqlayıb. "Arsenal"ın yarımmüdafiəçisi bunu Londonda Türkiyə prezidenti Rəcəb Tayyib Ərdoğanla görüşdən sonra Almaniya ictimaiyyəti tərəfindən ona qarşı edilən irqçi təzyiqlərə görə etdiyini bildirib.