AVRO-2024 keçiriləcək ölkə açıqlandı

2024-cü ildə keçiriləcək futbol üzrə Avropa çempionatına ev sahibliyi edəcək ölkə bu gün müəyyənləşib. Qitə birincilyiinin final mərhələsinin matçları Almaniyada təşkil olunacaq.

 

Bununla bağlı qərar UEFA-nın İcraiyyə Komitəsinin İsveçrənin Nyon şəhərində keçirilən iclasından sonra verilib. Qərarı qurumun prezidenti Aleksandr Çeferin açıqlayıb. Bununla da Avropa çempionatı 1988-ci ildən sonra yenidən Almaniyada keçiriləcək. Bu dəfə həmin ölkə həlledici mərhələni Berlin ("Olimpiaştadion", 70,033 nəfərlik), Köln ("Köln" stadionu, 46,922), Dortmund ("BVB Stadion", 61,524), Düsseldorf ("Düsseldorf Arena", 46,264), Frankfurt ("Frankfurt Stadion", 48,057), Gelzenkirhen ("Arena AufSchalke", 49,471), Hamburq ("Hamburq Arena", 50,215), Leyptsiq ("RB Arena", 46,635), Münhen ("Münhen Futbol Arenası", 66,026) və Ştutqart ("Ştutqart Arena", 50,998) şəhərlərində təşkil edəcək.

 

AVRO-2024-ə ev sahibliyi etməyə digər namizəd olan Türkiyə yenə mübarizədə məğlub olub. 

 

Qeyd edək ki, AVRO-2020-nin final mərhələsinin oyunları 13 şəhərdə keçiriləcək və bunlardan 1-i Bakıdı. Bakı Olimpiya Stadionunda 3 qrup matçı və 1/4 final mərhələsinin bir qarşılaşması keçiriləcək.