“Bunu Bakıda da nümayiş etdirməliyik” - “Arsenal”ın futbolçusu

İngiltərə “Arsenal”ının yarımümdafiəçisi Aleks Ayvobi “Qarabağ”la cümə axşamı baş tutacaq Avropa Liqasının qrup mərhələsi oyunu barədə fikirlərini bölüşüb.  Britaniya mətbuatına danışan futbolçu baş məşqçisini göylərə qaldırıb:

 

“Rəqibdən və turnirdən asılı olmayaraq hər oyunda qalib gəlmək istəyirik. Unai Emeri komandamıza qalib ruhu gətirib. Bunu Bakıdakı görüşdə də, həftəsonu İngiltərə Premyer Liqasında da nümayiş etdirməliyik”.

 

Qeyd edək ki, “Qarabağ” – “Arsenal” matçı oktyabrın 4-də, saat 20:55-də start götürəcək.