İspaniya Kubokunun yarımfinalında "El Klasiko" olacaq

Futbol üzrə İspaniya Kubokunun yarımfinal mərhələsinin püşkü atılıb. 

Bu mərhələdə "Barselona" və "Real Madrid" komandaları bir-birinə rəqib olub. Digər cütdə isə "Betis" və "Valensiya" komandaları finala vəsiqə uğrunda mübarizə aparacaqlar. 

İlk oyunlar fevralın 6-da, cavab qarşılaşmaları isə fevralın 27-də baş tutacaq. 

Qeyd edək ki, "Real Madrid" və "Barselona" martın 2-də İspaniya La Liqasının XXVI turunda da üz-üzə gələcəklər.