UEFA 2020-ci il Avropa Çempionatının maskotunu təqdim edib

UEFA-nın mətbuat xidməti 2020-ci ildə keçiriləcək Avropa Çempionatının maskotunu təqdim edib.

Maskotun adı "Skilz"dir ki, bu da ingilis dilindən tərcümədə "vərdişlər" ("skills") deməkdir.

Yeni maskotun sərbəst futbol oyunçularının ("Freestyler") keyfiyyətlərini özündə birləşdirdiyi bildirilir. Maskotun təqdimata məşhur fristaylerlərLiv Kuk və Tobias Beks dəvət olunub. Onlar Amsterdamda Avro-2020-nin seçmə mərhələsi çərçivəsində Niderland-Almaniya oyunu öncəsi baş tutan rəsmi təqdimat zamanı "Skilz"lə birgə topla oynamaq məharətlərini nümayiş etdiriblər.